සාම්ප්රදායික ශ්රී ලාංකීය ඌරු මස් කරියක්. රස වැඩියි!
මස් කුඩාවට කපා සෝදා වතුර බේරාගන්න. එයට කුළුබඩු සහ ගොරකා/විනාකිරි මිශ්ර කර පසෙකින් තබන්න. (මේ අතරතුර ලූනු, ඉඟුරු, සුදු ලූනු කපා සූදානම් කරගන්න).
භාජනයකට තෙල් ස්වල්පයක් දමා රත් වූ පසු ලූනු, රම්පේ, කරපිංචා, කුරුඳු සහ ඉඟුරු, සුදු ලූනු දමා රන්වන් පාට වනතුරු බැදගන්න.
පදම් කළ මස් ටික තෙම්පරාදුවට දමා හොඳින් මිශ්ර කරන්න. මස් වල වතුර ගතිය ඉවත් වී තෙල් පෑදී එනතුරු වසා තබන්න.
මස් වැසෙන ප්රමාණයට වතුර කෝප්පයක් පමණ දමා, මස් කැබලි හොඳින් මෘදු වනතුරු මද ගින්දරේ පිසගන්න. (මස් තැම්බෙන වේගය සත්වයාගේ වයස අනුව වෙනස් විය හැක).
වතුර සිඳීගෙන එන විට පොල් කිරි ටික එකතු කරන්න. කිරි ටික නටා හොද්ද උකු වී තෙල් මතුපිටට පෑදී එන විට ලිපෙන් බාන්න.
මේ වට්ටෝරුව ගැන ඕනෑම ප්රශ්නයක් අහන්න!